Eis Geschicht

2019 hu mir d’Schwëster Emilia kenne geléiert. Si huet eis vill vun hire rumänesche Weesekanner erzielt. Ënner anerem huet si eis gesot, dass hir Kanner nach ni d’Gléck haten, eng Vakanz beim Mier ze maachen. Dat war den “Grondsteen” fir eng Asbl ob d’Been ze stellen.

​

2020 ass dës Asbl ënnert dem Numm “ E Kannerlaachen ” gegrënnt ginn. Eis Ziel ass, deene Kanner, déi manner Gléck am Liewen hunn, eng Freed ze maachen an hinnen domat e Laachen an d’Gesiicht ze zauberen.

Eisen éischte Projet: d’Weesekanner aus Rumänien. Et ass fläisseg berode, geplangt a Sue gesammelt ginn. Eis Iddien hu keng Grenze kannt.

​

…an dunn ass de Lockdown 2020 komm. Eis Enttäuschung war grouss, mee de Kanner hir nach vill méi. Awer mir hu net opginn,  well  grad elo huet et misse viru goen…

​

2023 war et dunn esouwäit. Mir konnten eis Verspriechen aléisen an hu de Kanner vum Kannerheem St Joseph House , mat ärer Ënnerstëtzung, eng onvergiesslech Woch um Schwaarze Mier erméiglecht