Haut ass e wichtege Moment fir eis Missioun!

Marc an de Claude sinn op Madagaskar geflunn, fir déi éischt grouss administrativ Schrëtt fir eise Projet Eis Hand fir Madagaskar unzegoen.

Kenns du dat, wann een eppes Grousse plangt, mee als éischt déi ganz Pabeieren,

Autorisatiounen an Ofsproochen op d’Rei musse kommen? Genausou ass et bei eis elo. An dëst ass den entscheedende Fundament, fir dass mir geschwë mat deenen éischte Bauaarbechte kënne starten.

An de kommende Deeg hale mir dech regelméisseg um Lafenden:

•  wéi wäit eis administrativ Prozedure si

•  wéi d’Koordinatioun mat de lokale Partner leeft

•  a wéi mir d’Basis leeën, fir dass de Bau geschwë richteg lassgoe kann

Kuck also roueg heiansdo hei laanscht – mir huelen dech mat op dëse wichtege Start vun eiser Rees, bis mir déi éischt Steng kënne leeën.

Zesumme schafe mir eppes Noutwendeges a Nohalteges.